﻿VENDA: Tshibugwana tsha zwa Pfunzo
﻿
﻿
﻿
﻿Mvetamveto ya tshibugwana tsha zwa pfunzo, thoho: Gaidi yavho ya dzishere 
﻿
﻿Izwi zwibugwana a zwo ngo itelwa u rengisa dzisekhurithi kha shango la United States.  Dzisekhurithi dzothe dzi songo nwaliswaho kana dzi songo wanaho thendelo ya u sa nwalisa a dzi nga do tendelwa u rengiswa kha la United States. U rengisela tshitshavha dzishere ngei United States hu nga itwa fhedzi nga u shumisa tshibugwana tshine tshi nga wanala kha mubvisi kana murengisi wa dzishere. Tshibugwana tshenetsho tshi tea u vha na zwidodombedzwa zwothe nga ha khamphani na vhurangaphanda hayo na manwalo kana zwitatamennde zwa masheleni ayo.
﻿
﻿Dzisekhurithi dzi ambiwaho afha a dzo ngo nwalisiwa u ya nga Mulayo wa dzisekhurithi wa United States wo khwiniswaho wa 1933.  Ngazwo dzi nga si rengisiwe dzi songo nwalisiwa nga fhasi ha hoyo mulayo kana nga nndani ha thendelo ya u sa nwalisa.
﻿
﻿Izwi zwibugwana a zwo ngo itelwa u rengisa kana u nwalisa dzishere dzinwe na dzinwe fhano Afurika Tshipembe.  U ya nga Mulayo wa Dzikhamphani wa Afurika Tshipembe, dzishere dzi nga rengiselwa tshitshavha fhedzi arali thengiso yeneyo I tshi khou fhelekedzwa nga tshibugwana tsho nwaliswaho u ya nga Mulayo wa Khamphani.  Dzishere dzinwe na dzinwe dzine dza rengiselwa tshitshavha kana tshitshavha tsha dinwalisela u dzi renga, dzi tea u fhelekedzwa nga tshibugwana tsho nwaliswaho, tshine tsha kha di itwa kana u dzudzanywa. Tshibugwana tshenetsho tshi tea u katela zwidodombedzwa nga vhudalo zwa malugana na Telkom, bindu layo na vhurangaphanda hayo khathihi na nyimele ya masheleni ayo. Musi itshi tshibugwana tsho no nwalisiwa, tshi do wanala kha matavhi othe a dziposo na a Standard Bank. Zwinwe zwibugwana zwi do rumelwa na dzithengiso dzo itwaho.
﻿
﻿Ndivhadzo iyi yo bvisiwa nga Muvhuso wa Riphabuliki ya Afurika Tshipembe malugana na u rengisiwa ha dzinwe dzishere dzawo kha Telkom SA.
﻿
﻿Ndivhadzo iyi a yo ngo itelwa u andadzwa kana u netshedzwa United States, Canada, kana Japan.
